|| Fatwa / Fatwada || Sects / Firqooyinka || Books / Buugta|| Links / Xiriirin||
BOGGA FATWADA IYO SU'AALAHA
[Ask Question - Waydii Su'aal][Akhri Suaalo iyo Jawaabo]
Click to Enlarge
Su'aalahaaga waxaa ka jawaabaya
Sheikh Dr. Hersi Aw. Mohamed
(Dip., B.A, M.A, Ph.D in Islamic Studies)
Takhasuska: Usul ad-Diin (al-Aqidah)
(Khibrad: 20 sano ayuu macallin iyo muxaadir ka ahaa jaamicadaha iyo macaa-hidda iyo iskuullada, Somalia, Jordan, Malaysia, Brunei iyo Australia).
(Mufti: Mac-hadka fatwada ee jaamicadda Islaamka ee Malaysia 2002-2004).
(Hadda wuxuu ka shaqeeyaa: Daarul fatwa- Australia).
F.G: Haddii aad ka qayb qaadato forumkan waxaa laga yaabaa in ay emaillo iyo qoraallo kaa soo garaan.
TAAGEER AHLUSUNNAH WAL JAMAA'AH
SADDAQO LA BAX: Walaal akhriste taageer "ahlusunnah wal jamaacah". Taageeradaada waxaa loo adeegsandoonaa "arrimaha dacwada" oo kaliya. Mahadsanid.

  1. Jawaab: iitilmaam meesha cabdulwahhaab tashbiiha ku qoray kutubtiisa?
    Asalaamcalykum: walaal horta qofka waxaa fiican in uu wax barto inta uusan ismoodin caalim, mana fiicna in cilmi aanan aqoon loo lahayn la sheegto, haddii aad sacuudiga dugsi sare uga baxdayna taas macnaheedu ma aha in aad cilmiga oo dhan dhamaysay.

    Marka adiga oo iska dhaafaya isla waynida iyo kibirka waxaan kugula talinayaa in aad Ilaahay ka baqdid oo aad tacasubka indhala'aanta ah iska dhaafto.

    Haddii aad carabiga ku fiicantahay ka eeg mas'alada tajsiimka ee ibn Cabdulwahhaab rasaa'ilkiisa qaybta 5aad, baalka 129 iyo wixii ka dambeeya, sidoo kale ka fiiri kitaabka addurar as-sunniyah juska 3aad, baalka 181,ilaa 184. iyo meelo kale oo badan oo kutubtiisa ka mid ah.

    Ibn Cabdulwahhaab tashbiiha iyo tajsiimka xaggee uga sheegay kutubtiisa?
    Waxaan rejaynayaa in aad fahmi karto hadalkiisa, waa haddii carabiga aad aad u taqaan, Ibn Cabdulwahhaab kutubtiisa oo dhan ayuu ku qoray tashbiiha iyo tajsiimka, tusaale ahaan, towxiidka wuxuu u qaybshay Uluuhiyo, rubuubiyo iyo Sifaat, waxaanna horey u caddeeyay in taasi tahay tashbiih kii ugu xumaa, maxaa yeelay Nasaarada ayaa laga soo qaatay qaybinta noocan ah. Marka ibn cabdulwahhaab wuxuu sugayaa saddex ilaah, Ilaah, Rab, iyo Sifooyin, sida nasaaradu u sugtay "Ruuxul qudus, Rab iyo Ibn".

    Qaybinta jaadkaas ah waa tashbiih, waxaana beeninaya qowlkii Ilaahay "wax ekaankiisa ah ma jiraan" suuradda as-shuuraa: 11.

    Waxaa kale oo aad ka helaysaa Ibn Cabdulwahhaab rasaa'ilkiisa haddii aad akhriso in uu leeyahay salafku ma diidin in Ilaahay jismi yahay, sidaa ayuu ku andacooday wuxuuna soo daliilsaday hadalkii Ibn Taymiyyah, wuxuuna ku andacooday in taasi mad-habtii Ibn Xambal tahay!!

    Waxaana culumada oo dhan isku raacsanyihiin in aanan Ilaahay jismi ahayn, salafkana dhammaantood kuma jirin qof aaminsanayd in Ilaahay jismi yahay, Ibn Xambalna lagama soo werin kutubtiisana kuma taal in uu yiri: Ilaahay waa jismi ama uu yiri: salafku ma beenin in Ilaahay jismi yahay.

    Marka ninkan ibn Cabdulwahhaab ah dadka ayuu khaldayaa, wuxuu dhihi lahaa Ilaahay waa jismi, kolkaas buu geedaha ku wareegaysanayaa, oo leeyahay salafka qof tiri ma jirto Ilaahay jismi maaha!! subxaana laah.

    Ibn Cabdulwahhaab waa nin hadalkiisu isburrinayo
    Ibn Cabdulwahhaab wuxuu ku qoray rasaa'ilkiisa qaybta 5aad baalka 12aad, in uusan kufrinayn ibn al-faarid iyo inb carabi, laakiin eeg baalka 189, wuxuu leeyahay way ka kufri badanyihiin labadaas yahuudda iyo nasaarada.

    Khayr baan kuu rejaynayaa.
    Sh. Dr. Hersi Aw Mohamed <hersi@2garre.com>
    - Saturday, February 25, 2006 at 09:29:20 (CST)
  2. Su'aal: iitilmaam meesha cabdulwahhaab tashbiiha ku qoray kutubtiisa?
    Asalaamcalykum: Shiikhow ii tilmaan meesha c/whaaab uu ku leeyahey ilaah waa jismi ama wax lamida. tankale kuma hayo jawaabta lafteeda meshaad 51 masalo ku soo tilmaantey. marka shiikhow arintaa waa laga sugaya.
    Sadexle <Sadexle>
    - Saturday, February 25, 2006 at 08:51:59 (CST)
  3. Jawaab: Sidee u baxshaa zekada ganacda technologiga
    Asalaamu Calaykum: Walaal sekada ganacda teghnologiga waa sidi ganacda kale, oo waxaa lagu qiimaynayaa hadba intii lacag ah ee ay ku fadhido ganacdaas.

    Marka haddii aad tukaan internetka lagu adeegsado leedahay ama aad ISP leedahay, waxaad xisaabinaysaa inta lacag ah ee aad ka qabatay sanadkii tukaankaas oo lafaha iyo faa'iidadu ku jiraan, dabadeedna lacagtaas oo dhan ayaad sekada ka bixinaysaa.

    Khayr baan kuu rejaynayaa.
    Sh. Dr. Hersi Aw Mohamed <hersi@2garre.com>
    - Saturday, February 25, 2006 at 07:30:01 (CST)
  4. Su'aal: Sidee u baxshaa zekada ganacda technologiga
    Asalaamu Calaykum. Shiikh waan ku faraxsanahay in aad waqti balaaran siisid inaan ka jawaabtid su'aalaha Diinta islmaaka Ilaahayna hakaa Abaal mariyo. Su'aashaydu waxaa weeye. waxan lasoconaa in Technology ay horey u socoto, ganacsiguna wuu galay Technology, waxaan rabaa inaan wax ka ogaado sida Zakadu uga waajibayso qof haysta (ISP)Internet Provider Service. waxaan leeyahay Compny Internetka bixiya Zako makawaajibayaa haday ka waajibayso sidee uga ixinkaraa. Waxaa intaa ii raaca su'aal tan lamid ah. hadii aan leeyahay Internet Cafe, Zako maka waajibaysaa iyadan sidee uga bixinkaraa Zakada
    Cabdalqani <geelle2222>
    - Saturday, February 25, 2006 at 07:25:42 (CST)
  5. Jawaab: Gabdhuhu surwaal ma qaadan karaan
    Assalaamu calaykum: walaal waxba kuma jabna in gabdhuhu sarwaal gashadaan ama aqalkooda ha joogeen ama dibadda ha ula baxeene, Sida uu Imaam Shiiraazi ku sheegay kitaabkiisa attanbiih.

    Marka ma jiro daliil u diidaya haweenka in ay surwaal xirtaan, dadka dhahaya haweenka waa ka xaaraan sarwaalku ayaga ayaa daliilkii sharciga ahaa looga baahanyahay mana hayaan, waxay ku marmarsimoodaan in sarwaalku yahay dhar ragga kaliya loogu talagalay, taasna waxaa beenminaya hadalka culumada oo kutubta fiqhiga ku caddeeyay in haweenku gashan karaan sarwaalka xataa marka ay xajinayaan.

    Khayr baan kuu rejaynayaa.
    Sh. Dr. Hersi Aw Mohamed <hersi@2garre.com>
    - Saturday, February 25, 2006 at 07:24:17 (CST)
  6. Su'aal: Gabdhuhu surwaal ma qaadan karaan
    asalamucaleykum sheikh waan kusalamay salaan kadib waxaan kuwey diiyay gabdhuhu miyaay qaadan karaan surweel kuna dhexmarikaraan suuqa ama waxbarasho la aadi karaan khayr baan kuu rajaynayaa.
    ahmed said <xcadde>
    - Saturday, February 25, 2006 at 07:19:18 (CST)
  7. Jawaab: Haddii gacmaha gloves iigu jiraan waysadu taabasho ma iiga jebaysaa?
    Assalaamu calaykum: walaal taabashada jaadkaas ah ma jebiso waysada, sababtuna waa:
    1. In Culumada qaar ka mid ah qabaan in aanan taabshadu sideeduba waysada jebin, sida ay qabto madhabta xanafiyadu, sidoo kale, Maalikiyada iyo Xambaliyadu waxay qabaan in aanay jebinayn taabashadu haddii aanan shahwo darteed loo taaban qofka, Imaam Shaafici oo kaliya ayaa qaba in taabashadu jebinayso waysada.

    2. In taabashada laga hadlayaa tahay, haddii jismigu jismi kale taabto, laakiin haddii ay wax u dhaxeeyaan oo ama aad gloves gashato ama maro kaa xigto ama aad qoray iyo bir iwm ku taabato qofka taasi wayso jebin mayso.

    Sidaa darteed, waxaan kugula talinayaa in aad salaaddaada iska tukatid oo aadan isku dhibin in aad mar labaad wayso qaadato haddii aad qof taabato lab ah adiga oo caawinaya oo gashan gloves ama wax la mid ah.

    Khayr baan kuu rejaynayaa.
    Sh. Dr. Hersi Aw Mohamed <hersi@2garre.com>
    - Saturday, February 25, 2006 at 00:50:44 (CST)
  8. Su'aal: Haddii gacmaha gloves iigu jiraan waysadu taabasho ma iiga jebaysaa?
    /c/w/wabarakaatahy walaal waxaan ku waydiinayaa su'aal taas oo ah waxaan ahay nures waxaana kashaqeeyaa isbitaal marka waxaanan garanayn haday weeso iidhowrnayd ee aan qof caawiyo ayadoo gac maha gloves iigu jiraan in ay weesadii iga jabayso iyo in kale marka bal iga soo sii jawaab sheeqoow.
    wasalaama calaykum waraxmatulaahi wabarakaatahu.
    kaafiya <kaafiya2>
    - Saturday, February 25, 2006 at 00:45:23 (CST)
  9. Jawaab: Ma lixda shawaal ayaan soomayaa mise soonka qallada ah marka hore?
    Assalaamu calaykum: Walaal, marka hore soom lixda shawwaal, kadibna qallaha soon, inshaa allaah, maxaa yeelay waxaad haysataa waqti kugu filan oo aad ku soomi karto inta laga gaarayo siinka soo socda.

    Khayr ayaan kuu rejaynayaa.
    Sh. Dr. Hersi Aw Mohamed <ahlusunnah_waljamah@2garre.com>
    - Friday, February 24, 2006 at 00:23:04 (CST)
  10. Su'aal: Ma lixda shawaal ayaan soomayaa mise soonka qallada ah marka hore?
    Asc. wr. wbr. bacda salaan shiikh waxaan ku weydiinaa qof oo dumar eh oo macnaa aan soomin waqtiga caadada u joogay marka ramadaanka markuu dhamaado hadey rabto lixda shawaal inay soonto marka qalada mey hormarineysaa mase lixdey soomay? qeer ayaan kuu rajeynayaa.
    abuarqam <abuarqam>
    - Friday, February 24, 2006 at 00:20:52 (CST)
  11. Jawaab: Haddii alaabtayda oo la xadayo aan arko salaadda ma ka bixi karaa?
    Assalaamu Calaykum: Walaal haddii aad aragto alaabtaada oo la xadayo adiga oo salaad ku jira, salaadda ka bax adiga oo salaama naqsanaya, dabadeedna xoolahaaga soo dhacso, kadibna salaaddaada ku soo laabo. Khayr baan kuu rejaynayaa.
    Sh. Dr. Hersi Aw Mohamed <ahlusunnah_waljamah@2garre.com>
    - Friday, February 24, 2006 at 00:10:47 (CST)
  12. Su'aal: Haddii alaabtayda oo la xadayo aan arko salaadda ma ka bixi karaa?
    Assalaamu Calaykum: Waxaan shiikhow ku waydiin lahaa, haddii adiga oo masaajidka ku tukanaya aad aragtid alaab aad leedahay oo la xadayo sidaad yeelaysaa? ma salaadii baad dhammaysanaysaa? ma tuugii ayaad gacanta ku dhigaysaa?maxaad yeelaysaa?
    Cabdalle maxamed <roooble>
    - Friday, February 24, 2006 at 00:08:53 (CST)
  13. Jawaab: Qofka maydka ah inta la dhaqayo wax ma maqlayaa?
    Assalaamu calaykum: Walaal waad mahadsantahay Ilaahayna khayrka ha ku waafajiyo adduun iyo aakhiraba.

    Jawaabta su'aasha 1aad, waxaa soo arooray in qofku haddii uu dhinto oo hantoosha la saaro ay naftiisu dul joogsanayso hantoosha oo haddii uu ahlu janno ahaa ay leedahay "cajiluunii, cajiluunii" macnaha idedejiya, idedejiya. Haddii uu reera naareed yahayna ay leedahay "akhiruunii, akhiruunii" macnaha: dib ii dhiga, dib ii dhiga. Laakiin ma jiraan wax kale oo ku soo arooray in qofka dhintay dareen leeyahay ama naftiisu wax ogtahay inta aanan la duugin.

    Akhbaar kale ayaa ku soo aroortay in uu kolka godka la gelsho oo laga soo kala tago maqlayo dhawaqa kabaha dadka sii socda oo ahaa dadkii duugay.

    2. Su'aasha labaad, walaal xijaabka haddii aad uga jeeddo midka sharciga ah ee cowrada lagu qarinayo oo aanuu ku jirin wajiga iyo gacmaha, marnaba ma bannaana in ay haweenaydu ka tanaasusho xirashadiisa, maxaa yeelay waa waajib sharci ah oo la isku raacsanyahay.

    laakiin haddii aad xijaabka uga jeeddo indha shareerka iwm, waxaan leeyahay kaasi waajib ma aha, wayna u bannaantahay gabadha in ay iska dhaafto.

    Kolka haddii meesha shaqadu ku khasabto gabadha in ay iska dhigto xijaabka sharciga ah ee aanuu ku jirin indha shareerku, waxaa wanaagsan in ay la gorgortanto oo waydiiso sababta ay u diidayaan, haddii ay dhahaan shaqada kuma haboona, waxay ledahay mid ku haboon ayaan soo qaadanayaa, oo isla markaana cowrada dedaya, markaa waxay qaadan kartaa cambuur iyo shaati qurxoon iyo khamaar, ama surwaal iyo shaati iyo khamaar wanaagsan oo cowrada qarinaya.

    Haddii ay taas diidaan, waxaa wanaagsan in aad shaqada isaga tagto oo aad raadsato shaqo kale, haddii aadan noolaan karin inta aad shaqo kale ka helayso, wixii ay dhahaan iska yeel, laakiin si degdeg ah shaqo kale oo aad ku noolaato u raadso dabadeedna ka tag shaqadaas hore.

    Khayr ayaan kuu rejaynayaa.
    Sh. Dr. Hersi Aw Mohamed <ahlusunnah_waljamah@2garre.com>
    - Thursday, February 23, 2006 at 23:41:11 (CST)
  14. Su'aal: Qofka maydka ah inta la dhaqayo wax ma maqlayaa?
    sc. wr. wbr. sheequnaa qeyr ilaaheey ha ku siiyo, suaalihii aan ku soo weydiiyay si fiican oo aan ku qanco ayaad igaga soo jawaabtay. Sheeqow noo soo dacey.

    Marka waxaan rabaa inaan suaal ku weydiiyo:
    1. Qofka meydka eh wax ma dareemaa waxna ma maqlaa markii la dhaqaayo?
    2. Qof qurbaha ku nool oo wax ku bartay haddii lugu xujeeyo shaqada inay iska dhigto xijaabka diinta maxay ka qabtaa?
    Qeyr ayaan kuu rajeynayaa.
    abu arqam <abuarqam>
    - Thursday, February 23, 2006 at 23:25:15 (CST)
  15. Jawaab: Been ma sheegi karaa si aan u helo dukuminti aan ku xajiyo?
    Assalaamu calaykum, walaal xajka aad xajinayso haddii uu yahay xajkii 1aad ee waajibka ahaa, oo aadan haysan sabab kale oo aad ku heli karto dukumiinti aad ku xajiso in aad been sheegto mooyaane, waxaan kugula talinayaa in aad ku dhahdo, walaashay baa xanuunsan, adiga uu niyoonaya walaashaa ka mid ah walaalaha Islaamka.

    Haddii ay taasi kuu suurto geli wayso, ku dheh hooyaday baa xanuunsan, maxaa yeelay culumadu waxay banneeyeen in qofku been sheegi karo haddii uu ku maslaxaynayo laba dhinac oo dhibaato ka dhextaagantahay, waxaa kale oo ay banneeyeen in qofku beensheegi karo haddii wax xaqdarro ah lagula kaco uuna ku khasbanyahay in uu xaqiisa soo dhacsado.

    Tusaale waxay u soo qaateen, haddii ay dowladi nin ganacsade ah ka celiso gelidda dalkeeda, waxay banneeyeen in uu dhihi karo qaraabadayda ama walaalkay baan u socdaa oo dalkaa dhexdiisa deggan.

    Marka haddii aad ku khasbantahay oo aadan xal kale haysan aadna u baahantahay oo ay waajib kugu tahay in aad xajiso, waad ku dhihi kartaa hooyaday baa xanuunsan haddii ay kaa diidaan walaashay baa xanuunsan si ay dukumiinti kuu siiyaan.
    Khayr baan kuu rejaynayaa.
    Sh. Dr. Hersi Aw Mohamed <ahlusunnah_waljamah@2garre.com>
    - Wednesday, February 22, 2006 at 22:00:54 (CST)
  16. Su'aal: Been ma sheegi karaa si aan dukumiinti aan ku xajiyo u helo?
    sc wr wbr sheekhunaa ilaaheey haku xafido waxaan ku weydiinaa qof ku nool orobada oo rabo inuu soo xajiyo oona haysto lacag oona caafimaad qabo laakiin ma haysto wax uu ku baxo marka been ma sheegi karaa asagoo leeyahay waalidkeyga ayaa jiran si uu ku helo dukumenti uu ku soo xajiyo marka ma banaan tahay insha alaahu qeyr ayaan kuu rajeynayaa.
    ABUARQAM <ABUARQAM1>
    - Wednesday, February 22, 2006 at 21:52:47 (CST)
  17. Jawaab: Qofkii falka asaxaabta Nabiga nnk "bidco" ku sheegaya, xukunkiisu muxuu yahay ma kufrinayaa mise?
    Assalaamu calaykum: walaal qofkii falka ay asaxaabta nabiga qaarkood ku cibaadaysteen qofkii shirki ama bidco ku tilmaama waa qof riddoobay oo diinka ka noqday, maxaa yeelay falka asaxaabta nabigu nnk haddii uu yahay wax ay ku cibaadaysteen waa wax xaq ah oo ay ka barteen nabiga nnk, tusaale ahaan ninkii dhahaya asaxaabta nabiga ayaa shirki samaysay ama bidco samaysay kadib markay ku tawasuleen ama ku barakaysteen nabiga nnk qofkii sidaa yiraahda xaalkiisu wuxuu gaarayaa riddo wal-cayaadu billaahi.

    Sababtuna waa midda horee, arrinka tawasulka quraanka iyo xaddiiska saxiixa ah ayuu ku sugnaaday, waxaa sidoo kale akhbaar saxiix ah sugtay in asxaabtu ku barakaysteen nabiga mimbarkiisa iyo qabrigiisa iyo waysadiisa sida Imaam nawawi ugu caddeeyay sharaxa saxiixul muslim, marka ninkii bidci ama mushrik ku sheegaya asaxaabta nabiga nnk, waa nin riddoobay waxaana ku waaajib ah in uu toobad keeno oo islaamka ku soo laabto.

    Su'aasha labaad ee ah qofkii leh akhbaartaas ama axaadiistaas waa daciif, waxaan waydiinaynaa, yaa daciifshay? ma culumada lagu kalsoonyahay sida bukhaari iyo muslim iyo bayhaqi iyo nawawi iyo ibn xajar iyo saylici mise wahhaabiyada sida ibn baas iyo ibn taymiyyah iyo al-baani?

    Haddii dadka xaddiiska daciifshay yihiin culumada lagu kalsoon yahay ee aan kuu sheegay, waa aqbalaynaa, waana ku laabanaynaa xaddiiska oo daliilkiisa iyo xooggiisa ayaan hubsanaynaa, laakiin haddii ay daciifsheen dad ayaguba daciif ah oo aanan gaarin martabada xufaadda sida albaani iyo ibn cabdulwahhaab iyo inb baas iwm, ama dad ahlu bidco iyo ahlu shirki ah sida ibn taymiyyah, annagu aqbali mayno dadkaas daciifintooda sababtuna waa in aanay ahayn dad lagu kalsoonyahay oo caqiidadoodu munxarif tahay, aanna gaarin derejada cilmiga ah ee u ogolaanaysa in ay daciifshaan ama saxaan xaddiiska.

    Marka walaal waxba yaanay ku cabsiin kuwa leh daliilkaagu waa daciif, haddii ay ku dhahaan waa daciif, waxaad ku dhahdaa, culumo aan ku kalsoonahay ayaa saxday, adiga iyo wahaabiyana idinkuma kalsooni, daciifin iyo sixid midnana xaq uma lihidiin, maxaa yeelay ma aadan gaarin derejadaas, cilmiga xaddiiskana culumo kama aadan qaadan ee buugta ayaad ka baawsateen sida uu yeelay al-baani.
    Khayr baan kuu rejaynayaa.
    Sh. Dr. Hersi Aw Mohamed <ahlusunnah_waljamah@2garre.com>
    - Wednesday, February 22, 2006 at 16:22:54 (CST)
  18. Su'aal: Qofkii falka asaxaabta Nabiga nnk "bidco" ku sheegaya, xukunkiisu muxuu yahay ma kufrinayaa mise?
    Salaamucalaykum, fadiilatu shiikh Dr. Xirsi ilaah khayr ha ku siiyo, waxaan akhristay qoraalkii (51 mas'alo oo wahhaabiyadu ku kufrisay) ee aad sida cajiibka leh u soo habaysay.

    Marka shiikh su'aashaydu waxay tahay, dad ayaa ku tilmaamaya falka asaxaabta nabiga nnk bidco in uu yahay, sida asaxaabta qaar ku barakaystay qabriga nabiga iyo kuwa ku tawasulay nabiga nnk, marka qofka sidaa yeela ee falka asaxaabta nabiga nnk bidco ama shirki ku tilmaama xukunkiisu sidee yahay ma kufrinayaa?

    Su'aasha labaad, qofkii leh akhbaarta iyo axaadiista ku saabsan tawasulka iyo ku barakaysiga qabriga nabiga nnk iyo mimbarkiisa waa daciif, maxaan ugu jawaabnaa?
    Wassalaamu calaykum.
    adan bulxan <aadan76>
    - Wednesday, February 22, 2006 at 16:10:57 (CST)
  19. Jawaab: Waxaan ku riyooday aniga oo xarmanaya!
    Assalaamu calaykum, walaal waad mahadsantahay, riyadaadana mid khayr ah allaha kaaga dhigo, waxaana laga yaabaa in ay astaan u tahay in aad dhawaan xajin doontid inshaa allaah, marka towfiiqda allaha ku waafajiyo. Khayr ayaanna kuu rejaynayaa.
    Sh. Dr. Hersi Aw Mohamed <hersi@2garre.com>
    - Wednesday, February 22, 2006 at 08:14:50 (CST)
  20. Su'aal: Waxaan ku riyooday aniga oo xarmanaya!
    sc wr wbr sheeq qeer alla haku siiyo suaal riyo ayaan arkay marka waxaan rabaa inaad ii soo fasirtid waxaan arkay anigoo jameeco ah oo hotel joogno oo albaabka lanoosoo garaacay oo lana dhahaayo qubeysta wana xarmada ka bacdi waxaan arkay anigoo buundo mareyno oo darbigiisana qadiim eh oo nuuriyo marsan riyada dhaxdeedane waa ku farax sanahay dadka aan isla jirnane waxay ahaayeen dad waaweyn oo aan aqoonin
    umaymah <abuarqam1>
    - Wednesday, February 22, 2006 at 08:12:35 (CST)
  21. Jawaab: noosii iftiimi kufriyaadka wahhaabiyada
    Assalaamu calaykum, walaal dhowr jeer ayaa su'aashan la i waydiiyay oo akhristayaashu iga codsadeen in aan soo koobo masaa'ilka ay wahhaabiyadu ku kufrisay kuwa ugu muhiimsan aniga oo soo sheegaya mas'alo kasta masdarkeeda iyo meesha laga soo qaatay, iyo daliilka ay khilaaftay ee caddaynaya in ay kufri tahay.

    Hadaba aniga oo dalabkaas oofinaya ayaan waxaan maalmahan soo habeeyay kow iyo konton mas'alo (51) oo ay wahhaabiyadu ku kufrisay, marka adiga iyo akhristayaasha kale ee i waydiistay howshan adinka oo mahadsan ka eega qoraalkaas faahfaahsan webka ahlusunnah bogga hore.
    Khayr baan idiin rejaynayaa.
    Sh. Dr. Hersi Aw Mohamed <hersi@2garre.com>
    - Tuesday, February 21, 2006 at 06:42:42 (CST)
  22. Su'aal: noosii iftiimi kufriyaadka wahhaabiyada
    Shiikh Xirsi salaamu calaukum, salaan kabacdi adiga oo mahadsan waxaan kaa codsanaynaa inaad inoo sii iftiimiso oo si kooban oo waadix ah inoogu soo koobto waxyaabaha kufriga ah ee kooxda wahhaabiyada lagu kufrin karo, adiga oon ilaabayn in aad masalo kasta daliilkeeda iyo hadalka wahaabiyada masdarkooda sheegtid. Mahadsanid
    Jama Mualim <jamaml2003@yahoo.com>
    - Tuesday, February 21, 2006 at 06:38:41 (CST)
  23. Jawaab: Ma bannaantahay wahaabiyada la dagaallankeedu, qofkii la dagaalase ma gaalbaa?
    Assalaamu calaykum: walaal marka hore inta aanan go'aan ka gaarin xukunka wahhaabiyada iyo la dagaallankooda waxaa lagama maarmaan ah in aan ogaanno waxa culumadu ka qabto dadka noocaas ah, oo aan ogaanno waxa wahhaabiyada caqiidadeedu ku salaysan tahay.

    Caqiidada wahhaabiyada
    Kooxda wahhaabiyadu waxay isku sheegaan in ay kaligood muslim yihiin, inta kale ee muslimiinta ahna waxay ku magacaabaan "mushrikiin" taasna waxaa rasaa'ilkiisa ku caddeeyay Ibn Cabdulwahab, oo ay dhammaantood aaminsanyihiin.

    Wuxuu yiri: Ibn Caabidiin oo ka mid ah culumada Xanafiyada, kitaabkiisa Xaashiyatu Radd al-Muxtaar: "wahaabiyadu waa khawaarij, xukunkooduna waa "buqaat" waxay isku magacaabayaan muslimiin inta kalena waxay ku magacaabayaan mushrikiin", marka wahhaabiyadu muslimiinta ayay xaqdarro ku kufrinayaan, annaguna xaq ayaan ku kufrinaynaa, maxaa yeelay ninkii muslimiinta kufriya asiga ayaa kaafir ah, wahhaabiyaduna qodobkaas way ku kufrisay.

    Marka haddii ay caddaatay in ay buqaat yihiin, oo ay muslimiinta kufrinayaan, in lala dagaalo way bannaantahay, taa daaye waaba waajib in lala dagaalo oo shartooda muslimiinta laga reebo. Culumada muslimiintu way isku raacsanyihiin in buqaadda lala dagaalo, sidii ay asaxaabtu samaysay, oo imaam cali iyo imaam Abuu barak sameeyeen.

    Wahhaabiyadu waa mushabiho mujasimo ah
    Wahhaabiyadu waxay rumaysanyihiin diin tashbiih iyo tajsiim iyo tathliith isugu jirta:

    a. Tathliithka waxay ka qaateen Nasaarada oo Ibn Taymiyah ayaa u qoray towxiidka saddexlaha ah kaas oo uu nasaarada iyo yahuudda ka soo qaatay, una qaybshay Ilaahay saddex qaybood, oo uu ku magacaabay (Uluuhiyo, Rubuubiyo iyo Sifooyin).

    b. Wahaabiyadu waa mushabiho, maxaa yeelay dhammaantood waxay aaminsanyihiin in Ilaahay uu jiho leeyahay oo Ilaahay uu cirka kursi kula fadhiyo, sidaasna waxaa kutubtooda ku qoray dhammaan madaxda wahhaabiyada sida Ibn Taymiyyah Ibn Cabdulwahaabna wuu ku raacay, sidoo kale waxaa sidaa yiri Albaani iyo Ibn baas sida uu ku sheegay xaashiyada caqiidada daxaawiyada ee uu daabacay, dhammaantood waxay qabaan In Ilaahay cirka kursi kula fadhiyo oo uu meel uga banneeyay Nabiga oo uu nabigu kula fariisan doono. Ibn Taymiyah ayaa ku qoray fataawihiisa arrinkaas, kuwa kalena way ku raaceen oo mid kaliya oo reddiyay ama iska beri yeelay kuma jiro.

    Hadaba Fariisiga iyo Nasashada iyo jihada iwm dhammaan waa astaamaha makhluuqaadka lagu yaqaan, qofkii Ilaahay waxaa ku sheega waa mushabih, waana kaafir, waana mujasim. Wuxuu yiri Imaam Ashcari kitaabkiisa "an-nawaadir" (qofkii rumaysta in Ilaahay jismi yahay, waa qof aanan Ilaahay aqoon, waana qof Ilaahay ku kufriyay).

    Wixii Culumadu ka dhaheen Kooxaha Mushabihada ah sida wahhaabiyada
    Wuxuu yiri Imaam Cali bin Abii daalib: "Waxaa aakhirusamaanka la arki doonaa umaddan qaar ka mid ah oo kufaar ah, kolkaas baa la yiri: kufrigoodu ma wax cusub oo ay diinta ku derayaan baa mise waa wax ay inkirayaan? kolkaas buu yiri: waa inkirid, waxay inkirayaan Eebbahood, kolkaas bay ku sifaynayaan jismi iyo xubno". waxaa sidaa soo weriyay Ibn Mucallim al-Qurashi, kitaabkiisa Najm al-Muhtadii, baalka 588.

    Wuxuu yiri Ibn Xajar al-Haythami, Kitaabkiisa al-Minhaaj al-Qawiim: (Waxaad ogaataa In al-qaraafi iyo qaar kale oo culumada ka mid ah ay ka soo weriyeen Imaam Shaafici iyo Imaam Maalik iyo Imaam Axmad iyo Imaam Abuu Xaniifa Allaha ka raalli noqdee dhammaantood, in ay kufri ku xukumeen kuwa leh: Ilaahay jiho ayuu leeyahay ama jismi).

    Wuxuu yiri Imaam Shaafici: (Mujasimadu waa kufaar), waxaa sidaa ka soo weriyay Imaam as-Sayuudi, kitaabkiisa al-Ashaah wan-nadaa'ir.
    Sidoo kale wuxuu yiri: Imaam Axmad (Qofkii yiraahda Ilaahay waa jismi aan jismiyada la mid ahayn waa kaafir), ka fiiri Tashniif al-Masaamic, uu qoray Zarkashi.

    Waxaa kale oo uu soo weriyay al-xaafid al-Ciraaqi, in Imaam Shaafici iyo Imaam maalik iyo Imaam Abuu xaniifa iyo Imaam al-Ashcari iyo Imaam al-Baaqillaani dhammaan ay kufri ku xukumeen qofkii Ilaahay ku tilmaama jiho gaar ah, fiiri sharxul Mishkaat, Mulaa Cali al-Qaari.

    Qofkii yiraahda Ilaahay Carshiga ayuu ku fadhiyaa waa kaafir
    Wuxuu yiri Ibn Mucallim al-Qurashi, kitaabkiisa Najm al-Muhtadi: Waxay la mid yihiin dadka kufrigooda la isku raacsanyahay, iyo kuwa aan kufrinay ee ahlu qibalada ka midka ah, sida kuwii yiri: Quraanka waa la uumay, iyo kuwii yiri in aanan Ilaahay ogayn waxyaabaha macduumaadka ah intii aanan la ahaysiin, iyo qofkii aanan qadarka rumaysnayn, waxaana kuwaa la mid ah, qofkii rumaysan in Ilaahay carshiga ku fadhiyo, sida uu ka soo sheegay al-Qaadii Xusayn Naskii Imaam Shaafici.

    Wahhaabiyadu waa buqaat, waxaana waajib ah in lala dagaalo oo la laayo
    Wahhaabiyadu waxay aaminsanyihiin in ay kaligood muslim yihiin, sidaa darteed waxay bannaysteen dhiigga intii muslim ah ee aan ayaga mad-habtooda lunsan raacsanayn, waxaana manhajkaas faasidka ah u billaabay shiikhoodii Ibn Cabdulwahhaab, sida culumadu soo weriyeen.

    Wuxuu yiri, ash-shaykh Maxamad Bin cabdullaahi al-Xambali, oo reer Najid ah oo ka yimid dhulkii uu Ibn cabdulwahhaab ka yimid, oo Xambalina ahaa, wuxuu ku yiri kitaabkiisa "as-Suxub al-Waabilah, calaa adrixatil xanaabilah": (Maxamad Bin Cabdul wahaab, haddii qof khilaafo ra'yigiisa oo uu reddiyo, dabadeedna uu awoodi waayo in uu dilo maalin cad, wuxuu u diri jiray qof soo dila inta uu hurdo sariirtiisa ama asiga oo suuqa socda habeenkii, maxaa yeelay wuxuu aaminsanaa in ciddii asiga khilaafta ay kaafir tahay, wuxuuna bannaysatay dilkooda).

    Macnaha, wuxuu ka wadaa in Maxamad Bin cabdulwahhaab qofkii khilaafa oo reddiya mad-habtiisa lunsan uu habeenkii qof toogta u diri jiray, asiga oo qofkaas sariirtiisa jiifa ama aqalkiisa jooga ama suuqa habeenkii socda ayay tooganayaan, waana manhajka ay hadda wadaan wahhaabiyada soomaaliya joogta, sababtuna waa in ay aaminsanyihiin in ayaga mooyee inta kale kufaar yihiin, sidaas ayayna ku bannaysteen dhiiggooda.

    Wuxuu ku yiri Sheekh Axmad as-Saawi al-Maaliki, Xaashiyadiisa tafsiirka Jalaalayn, markii uu ka hadlay aayadaha ku soo degay kufaartii quraysh, waxaa la yiri, waxay ku soo degeen khawaarijta kuwaas oo taxriifshay tafsiirka kitaabka iyo sunnada ee sidaa ku bannaysaty dhiigga muslimiinta iyo maalkooda, sida maantaba lagu arkayo kuwan la midka ah waana firqo ka soo baxday dhulka Xijaas oo la yiraahdo wahhaabiyo, waxay isu malaynayaan in ay xaq ku taaganyihiin, waana beenayaal, shaydaan ayaa sasabtay, kolkaas buu xusidda Ilaahay ilowsiiyay, kuwaasi waa xisbiga shaydaanka, xisbiga shaydaanka ayaana khasaare u sugnaaday.

    Qofkii wahaabiyada la dagaala ma gaal baa?
    Hadaba walaal sida kuu cad oo hadalka culumada kaaga caddaatay, wahaabiyadu waa "buqaat", waana mushabiho mujasimo ah, waana mushrikiin, maxaa yeelay tathliith ayay aaminsanyihiin, oo towxiidkoodu waa kii Nasaarada iyo Yahuudda.

    Haddii taasi kuu caddaatay, waxaa meeshaa kaaga cad in qofkii la dagaala Ilaahay uu ajar iyo xasanaad siinayo, ninkii ay dilaan waa shahiid, dagaal ninkii la galana waa mujaahid, jannada ayuuna gelayaa sida Ilaahay u ballan qaaday.

    Ninka ku hadlay wahhaabiyada Soomaaliya afkooda ee ku andacooday in lagu kufrinayo la dagaallanka firqada buqaadda ah ee lunsan ee wahhaabiyada ah ee soomaaliya joogta waa jaahil aanan fiqhiga iyo cilmiga waxba ka aqoon, haddii uu caalim yahay daliilkiisa ha keeno, haddii uu mutacasib lunsan yahay, oo uu buqaadda u tacasubayana hadde ayaga ayuu ka mid yahay.

    Xukunka sharciga ah waa xukun sharci ah
    Marka dhammaan muslimiinta soomaalidu ha ogaadeen, xukunka sharciga ah isma bedelo, ama wahhaabiyadu ha sheegato Islaam ama yaanay sheegan ama ha tukadeen ama yaanay tukan, taasi waxba ku teri mayso, maxaayeelay waa mushrikiin, mushabiho ah, waana kufaar, marka qof kaafir ah ama mushrik ah cibaado ka ansixi mayso, xukunkiisuna waa xukunka murtadka haddii uu asalkiisu islaam ahaa, haddii kalena wuxuu la mid yahay mushrikiinta iyo kufaarta kale.

    Khayr baan kuu rejaynayaa.
    Shiikh Dr. Hersi Aw Mohamed - Sunday, February 19, 2006 at 18:44:06 (CST)
  24. Su'aal: Ma bannaanyahay la dagaallanka wahhaabiyada, qofkii la dagaalase ma gaal baa?
    Assalaamu Calaykum: Shiikh waxaan doonayaa inaan ku waydiiyo, waxaa Soomaaliya isku haysta xulafo isbahaysi isku magacawday iyo kooxda wahhaabiyada oo maalmahan dagaal dhexmaray.

    Marka su'aashaydu waxay tahay, ma bannaantahay in wahhaabiyada lala dagaalo oo la laayo oo la dilo oo xoolahooda la boobo? Midda kale qofkii la dagaalaya ma gaalbaa? maxaa yeelay nin wahhaabiyada u hadlay ayaa yiri: qolyaha nala dagaalaya waa gaalo oo waa kufriyeen, marka ma runbaa in lagu kufrinayo la dagaallanka wahhaabiyada? waa mahadsantahay.
    Xasan Cali <xasanc23>
    - Sunday, February 19, 2006 at 17:13:09 (CST)
  25. Mahadnaq: Dadaalkiinna Allaha ka raalli noqdo
    ass/c/w/w/h salaan kadib shaykh waad mahadsantahay waana fahmay jawaabtaadii qiimaha badneyd dadaalkaadana allaha ka raadi noqdo waan ubaahanahay diintaan wax tiir dhexaad u noqda maxaa yeelay waxaa batay burisla yaal aan u aaba yeeleyn waxa eey sameynayaan oo faash aan af leheyn ku kala gooynaya diintaan muqadaska eh, balse wallaahu gaalibun calaa amrih shaykh mar kale jazaakallaahu khayral jazaa.
    muxyadiin shaykh axmad <jaabir75>
    - Sunday, February 19, 2006 at 16:22:49 (CST)
  26. Taageero iyo Tahniyad: waa ka dharegsanahay ibnu teymiya iyo maxed c/wahaab intaba sida ay diinta u qaloociyeen
    Asalamu caleykum waraxmatulahi wabarkaatuhu yaa shequl ahlu suna waljamaaca waan ku salaamayaa salaan la isa salaamo tan ugu qeyrka badan oo ah 114 quraanka. salaan ka dib. waa ka dharegsanahay ibnu teymiya iyo maxed c/wahaab intaba sida ay diinta u qaloociyeen. Allaha naga qabto manhajkaas qaloocan muslmintana alaha tuso gaar ahaan soomaalida manhajkaas qaloocan.

    Marka hadaba waxan doonayaa in aan xiriirno xiriirka caalimiga ah ee aduunka si aan iskula shaqeyno wax weyn ayuu qaban karaa isku tagu.
    wasalamu caleykum waraxmatulah.
    maxamud c/lahi.
    maxamud c/lahi <bashirmaxamud>
    - Sunday, February 19, 2006 at 16:19:58 (CST)
  27. Mowliidka Nabiga nnk in la xuso ma bannaantahay?
    Asalaamu calaykum, walaal mowliidka Nabiga nnk in la xuso way bannaantahay sida ay sheegeen Imaam Ibn Xajar iyo Imaam Sayuudi labaduba waxay isku raaceen in ay xafladdaasi bannaantahay.

    Marka faahfaahinta halkan ka akhri adiga oo mahadsan: http://www.2garre.com/is/default_3.html. Ama halkan ka dhegayso: http://www.2garre.com/audio/mowlid.mp3. Kayr baan kuu rejaynayaa.
    Sh. Dr. Hersi Aw Mohamed <hersi@2garre.com>
    - Sunday, February 19, 2006 at 07:10:24 (CST)
  28. Mowliidka Nabiga nnk in la xuso ma bannaantahay?
    asalaamu calaykum walaal waxaan ku su aali lahaa mowliidka nabigeena muxmed N N K H ma banaan yahay
    ahmed mahdi mohamed <axmedmbc>
    - Sunday, February 19, 2006 at 07:06:51 (CST)
    Next Page.. < < < < Laabo
Tusmada Su'aalaha iyo Jawaabaha
Bogga Fatwada
    Page [24]
  1. Madaahibta ma la isku dhafi karaa?
  2. Ma bannaantahay in qof dhintay la baryo?
  3. Tashbiih maxaa laga wadaa?
  4. Su'aashii shakhsiga ahayd iigama aadan jawaabin shiikhow?
  5. Wahhaabiyadu qodobada ay ku kufrisay maxay yihiin?
  6. Qofku ma dooran karaa hadba mad-habtii u fudud?
    7. Page [23]
  7. Qofka shaqaalaha ah sidee loo baxshaa mushaarkiisa?
  8. Timaha waxyaabaha lagu midabaysto ma bannaanyihiin?
  9. Rasuulka_qasiido ma lagu ammaani karaa?
  10. Wahhaabiyada iyo ahlusunnadu ma isku caqiidaa?
  11. Muxuu ku salaysanyahay manhajka wahhaabiyadu?
  12. Fasax la'aan ma duuban karaa duruusta webka ku jirta?
  13. Ma ka shaqayn karaa maqaasiin khamri?
  14. Ninkaygu salaadda ma iga jebshaa?
  15. Ninka iyo xaaskiisu haddii ay kala tagaan..?
  16. Shiikh Wax jacayl la yiraahdo ma jiraan?
  17. Shiikh ii sheeg meesha ay ku qoran yihiin waxyaabaha ay wahhaabiyadu ku kufrisay.
  18. Imaam Wahhaabi ah salaad ma lagu xiran karaa?
    19. Page [22]
  19. waxaan doonayaa in aan ku waydiiyo saddex su'aalood?
  20. Been qofkii ku dhaarta ciqaabtiisu maxay tahay?
  21. Attaxyaadka haddii aan dhameeyo, ma iska aamusi karaa, si aan imaamka u sugo?
  22. Naagtaydu haddii ay deriska dhibayso, naseexana yeelayn..?
  23. Tiishuuga musqulaha ma lagu astajoon karaa?
  24. Naagtu ninkeeda lacag uusan ogolayn jeebkiisa ma kala bixi kartaa?
  25. Gabadha aabaheed khasab ma ku mehrin karaa?
  26. Midabka naaguhu is mariyaan ma bannaanyahay?
  27. Mala guursan karaa naag kirishtaan ah?
  28. Qof Nabiga nnk difaacaya gaal ma noqon karaa?
    29. Page [21]
  29. Lacagta "Single Mother"-ka ma qaadan karaa aniga oo nin leh?
  30. Qofka waalan xaaskiisa ma u tegi karaa?
  31. Qof dukaan ku furtay lacag dayn ah seko ma laga rabaa?
  32. Ma ku xiran karaa qof haysta mad-habta xanafiyada?
  33. Culumada Al-Azhar ma kufriyeen wahhaabiyada?
  34. Salaadaha Sunnada ah sidee loo tukadaa?
  35. Sharikadda mushahar ma ka qaadan karaa nin faa'iidada wax ka qaadanaya?
  36. Haddii ninku naagtiisa furitago caddayn ma qori karaa?
  37. Naagtu haddii ay dhahdo, ninkaygii waan kala tagnay..
  38. Sheekh Cuntada maka cuni karaa makhaayad gaalo leedahay?
    39. Page [20]
  39. Sheekh waxaan ku waydiinayaa saddex su'aalood oo wahhaabiyada ku saabsan?
  40. dhagaysigga Heesaha Jacayilka ahi ma Dambibaa?
  41. Dayaxa_oo_ku yaal toddobada samo dushooda sidee cirbixiyeenku ku gaareen?
  42. Meherka muxalilka ah ma bannaanyahay
  43. Sidee wahaabiyadu gaalo ku noqonayaan ayaga oo xaramaynka jooga?
  44. Madaahibta_Islaamka, ma mid kaliya ayaan ku gaabsadaa, mise waan isku dhafi karaa?
  45. Xaaskayga haddii aan iraahdo, haddii aan sidaa sameeyo 3 dalqadood baad ii ga furantahay..
  46. Culumadii_hore maxay qunuutka ka dhaheen, maxayse isku raaceen, salaadda subaxse ma lagu gaar yeeli karaa?
    47. Page [19]
  47. Shahwada aan ulakaca kaaga imaan soonka ma burrisaa?
  48. Naag saddex dalqadood lagu furay ma furantahay
  49. Qofkii Isbitaal ka shaqeeya ma dambi bay ku tahay..?
  50. Sheekh salaadda mar kasta ma wayso cusub baa loo baahanyahay?
  51. Skeekh waxaa jawaabtaada laga fahmayaa in culimadii mawliidka qortey ey gudcur gudayeen!
  52. Qofka ballanlaawaha ah naagtiisu ma furmaysaa?
  53. Ruuxa iyo Naftu maxay kala yihiin?
  54. Sida Micraajka lagu sheegay, sow nabigu Ilaahay toddobada samo ka kor kulama kulmin, maxaad u leedahay Ilaahay samada xaggeeda ma jir?
    55. Page [18]
  55. Bogaadin: Fadiilatu Shiikh Dr Xirsi waa mahadsantahay
  56. Jawaab: Sheekh Cabdulqaadir iyo Imaam Ashcari waxay caqiidada ka qaateen Imaam Axmad?
  57. Ahlusunnaha ku sugan dalka Zambia!
  58. Waxaan u hambalyaynayaa inta ka qaybqaadata dacwada iyo difaaca Islaamka
  59. Shiikh ama Diktoor Xirsi khaer Ilaaha raxmaanka ah ha ku siiyo haan ku xafido
  60. Masaafadu ma bannaantahay, maxaase daliil u ah?
  61. Wiilka walaashay dhashay anigu manuujinkaa iyadoo nool?
  62. Salaadaha_qaar maxaa codka kor loogu qaadaa?
  63. waxaan maqlay salaada gudaheeda xarakaad lagama ogola..
  64. Ma bannaantahay lacagta diibaajiga ah ee dadku wax ku kala kiraysto?
    65. Page [17]
  65. Cridet Card-ka haddii uusan dulsaar lahayn ma xaaraan baa?
  66. Khamrigu ma daahir baa?
  67. Sheekh suaasheydii ku saabsaneyd caqiidada Sheekh C/qaadir..
  68. Wahhaabiyada Australia oo warqado uu ku qoranyahay magaca Shiikh Dr. Hersi daabacday oo fidi say!
    69. Page [16]
  69. Yaa ugu horreeyay qof towxiidka qaybsha, muxuuse uga dan lahaa?
  70. Ma banaantahay toowxiidka in la qeeybiyo?
  71. Lacagta dulsaarka ihi maxay tahay..
  72. Shaafici iyo Ashcari ma isku caqiidaa?
  73. Wahhaabiyada ama Ittixaadka salaad ma lagu xiran karaa?
  74. Sheekh waxaan akhristey kitaabka alibaana oo aad tacliiq ku sameysey
  75. Lacagta dulsaarka ahi maxay tahay?
    76. Page [15]
  76. Mala ogolyahay in arooska laga ciyaaro?
  77. Sheekhow gabar aan isjeclayn ayaan dagaalnay ee maxaa talaa?
  78. Sheekh Cabdulqaadir caqiidadiisa qofkii haysta ma toosanyahay?
  79. Lacagta daynta ah ee ardayda la siiyo ma la qaadan karaa?
  80. Haweeynay ayaa waxay ninkeedii kala maqnaayeen 14-sano..
  81. Sheekhow qalbi adayg ayaan isku arkay ee maxaan akhristaa?
  82. Sunniyaha ma la yaraysan karaa, xaadda wajigase ma layska xiiri karaa?
  83. Wiilal habaryartay dhashay ma ka xijaabanayaa?
  84. Qaadiriyada iyo Axmadiyada maxay diintu ka qabtaa?
  85. Nin taariku salaad ah haddii aan musxafkiisa u celiyo ma dambi baa iga saaran?
  86. Maxay wahaabiyadu diinka saxda ah u leexisaa?
  87. Ma la dhihi karaa Ilaahay Carshiga ayuu ka sarreeyaa?
  88. Carruurta garaaciddooda kolka wax la barayo ma bannaantahay?
  89. Lacagta uu nin madax ah i siiyay si aan warkiisa u fidiyo ma xaaraan baa?
  90. Nin wahhaabiyada Nairobi sheekh u ah ayaa iftooday...
  91. Nin aan aabbahay ahayn, aabbe ma ugu yeeri karaa?
  92. Gabadh ilma iska soo ridaysay ayaan lacag ugu kaalmeeyay, marka ma dambi baa iga soo gaaraya?
  93. Aniga iyo adeerkey waxaan iskula hadalnaa hadal jacayl ah ninkayguna ma ogola!
  94. Waalidkayga ayaa igu yiri: Bax qooq ayaa ku haayee..!
  95. Wahhaabiyadu waxay kuu baxsheen (Maxamad guuleed al-thaani)!!
  96. Qofkii dhaarta ee dhaartiisa burriyay xukunkiisu muxuu yahay?
  97. Xijaabka haweenku waa noocee?
  98. Meel ay kaniisaddu leedahay ma lagu tukan karaa?
    99. Page [14]
  99. Haddii la igu shubo shahwad nin kale ma dambi baa?
  100. Sidee Ibliis jannada ku galay?
  101. Wiil iyo gabar doonaya in ay isfuraan oo misana wada deggan maxay diintu ka qabtaa?
  102. Kaniisaddu meel ilaah lagu caabudo ma tahay?
  103. xaaskayga waysada ma iga jabisaa?
  104. Maxey diinta islamka ka qabtaa hadii aad nagtaada inta furto..?
  105. Lacag ayaan dukaan dhigtay..?
  106. Nin naagtiisa naaskeeda afka ma gelin karaa isagoo uga dan leh raaxo?
  107. Nagtaydu waysada ma iga jebisaa?
  108. Dahaara la'aan mala taaban karaa Quraanka?
  109. waxaan rabaa inaan ku weydiiyo macnaha laa ilaaha illaa allaahu..
  110. Muslimiintu maxay Luud isugu magacaabi waayeen?
  111. Gabar adeerkeeda xoogi lahaa oo ka badbaaday..
  112. Naagta aan ninkeedu dhalayn furriin ma waydiisan kartaa?
  113. Ninkayga ayaa yiri: adeerkaa iridka haka furin..!!
  114. Ninkayga sekada ma siin karaa?
  115. Laylatul Qadarka wax iiga sheeg?
  116. Qofkii soonka in uu niyaysto illooba..
  117. Dadkii dhintay Islaamka ka hor ma gaalo baa?
  118. Salaadda tahajudku maxay tahay?
  119. Aabbahay haddii uusan joogin ma ismehrin karaa?
  120. Bogaadin, Mahadnaq iyo Codsi: waxaan kamid ahay ardayda wax kabarata webkan..
  121. Khaalid bin waliid hooyadiis magaceed?
  122. Kabaha ma ku tukan karaa?
  123. Hadii aan rabo in aan soomin tommorow..
    124. Page [13]
  124. Labada Khudbo ee Jimcada af aan Carabi ahayn ma lagu akhrin karaa?
  125. Taabashada aan ula kaca ahayn waysada ma burrisaa?
  126. Sheekhow Kooxahan Ittixaadka iyo Ikhwaanka iyo Taxriirku sow muslimiin maaha?
  127. Qof Muslim ah gaal mala dhihi karaa?
  128. Sheekhow iisoo ducee...
  129. Guurka qarsoodiga ah ma dambi baa?
  130. Guurka qarsoodiga ah ma dambi baa?
    Page [12]
  131. Nafta "insurance" ama caymis mala gelin karaa?
  132. Taabashada aan ula kaca ahayn waysada ma burrisaa?
  133. Maxaa lagu fasiri karaa haddii "mar kastood qof aragto ama aad magaciisa maqasho aad naxdo"?
  134. Ma laga shaqayn karaa Super Market?
  135. Cilmu Salaf maxaa looga jeedaa?
  136. Thanks for your wonderful and tireless effort Dr. Hersi
  137. Qof Muslim ah Maraykanka ma siin karaa Mucaawino?
  138. Shiikhoow mid inkaaran oo "Umul" layirahdo ayaa dadkii waalay ee maxaad ka dhihi lahayd?
  139. Wahhaabiyadu waxay ku murantaa in aanan naagtaadu waysada kaa jebin!
  140. Haweenayda caadada qabta masjidka ma ku nagaan kartaa, Quraankase ma qaadi kartaa oo ma akhrin kartaa?
  141. Haddii ninku ku dhaarto in uu naagtiisa furay ma ka furmee?
  142. Aragti iyo taageero iyo bogaadin..
  143. ma haboon tahay nin aan..?
  144. Xaaskaygu waysada ma iga jebisaa?
  145. Maxaa ku dhacay qaybtii maqalka ahayd?
  146. Bogaadin:Qalbiga ayaan kaaga soo duceeyay
  147. Waxaan doonayaa in aan ku waydiiyo laba su'aalood..
    148. Page [11]
  148. Jawaab:Cuntada dadka shiinaha ah ma xaaraanbaa?
  149. Jawaab: Quranka maxaan akhristaa oo ku ducaystaa?
  150. Mahadnaq iyo bogaadin
  151. Jawaab:Qabuurta in la siyaarto ma bannaantahay?
  152. Jawaab: Su'aal iyo Bogaadin, waxaa mahad leh ilaahayga idin waafaiyey
  153. Jawaab:Salaadda sidee si joogto ah u tukadaa?
  154. Bogaadin iyo Tahniyad: afkaaga caano laku qabay
  155. Qof dhintay mala baryi karaa?
  156. Meeqa firqo ayaa ka jirta soomaaliya?
  157. Sidee loo kala yaqaan dacwada xaqa ah iyo midda baadilka ah?
  158. Sidee soon lagu furi karaa ayadoon la arag bisha shawaal.?
  159. Bogaadin iyo Salaan Afsaxallaahu Lisaanaka.
    160. Page [10]
  160. Waxaan sharax urabaa Shiikha weyn Ee qaadariyada
  161. Naagtu ma furmi kartaa haddii ay caado qabto?
  162. Waano ku socota Akhristayaasha: Marka hore akhriya inta aadan waydiin su'aal
  163. Soonka nadarka ah dib ma loo dhigi karaa?
  164. Maxaad istillaabka u saartay kitaabada culamada soomaliyeed qoreen
  165. Miyaanay Quraanka ku caddayn in haweenka surwaalka loo diiday?
  166. Waxaan aragnaa dad leh "wahhaabiyada ayaa diinta Islaamka keentay!!
  167. Buug Carabi ku qoran oo wahhaabiyadu qaybinayso!!
  168. Shiikh Uways Axmad yaa dilay!!
  169. Aragti: miyaanay khalad ahayn inaad qof muslim ah?!!
  170. Is Khat Haram or Halal?!
  171. Does Women/Kids (girls) allowed to wear trousers?!
  172. Haddii imaamku ragco dheeraad ah u istaago?!
  173. Maxay ka qabtaa diintu qof dumar ah oo kalkaaliso ah?!
  174. Dhambaal: Tahniyad iyo Bogaadin iyo Taageero?!
  175. Waa kuwama culumada caanka ah ee somaliyeed ee lunsan ama wahabiyada ah?!
    176. Page [9]
  176. Dad wahaabiyada u warantay baa yiri waa dambi..?!
  177. Mowlidka Nabiga ma u dabbaaldegi karnaa..?
  178. Xerta Digrisa iyo nabi ammaanka maxaad u aragtaan..?
  179. Axmadiyada Indiya ma gaalo baa..?
  180. waxaa jira in leeyga digay..!
  181. qofka taariku salaadka ah ma kaafir baa mise ma aha?!
  182. Indha-shareer meelaha laga shaqeeyo ma ku qaadan karaa?
  183. wax iiga sheeg xukunka qof qur'aanka bartay oo aan akhrinayn!
    184. Page [8]
  184. xukunka taariku salaadka
  185. Wahhaabiyadu maxay naagaha u dhahaan nimanka gadaashood soo socda?
  186. Aqoonta iyo Caqligu ma habaabaan ee ictiqaadka ayaa habaaba!
  187. nin ayaa gabar si xarana ugu tagay..
  188. Salaan iyo Bogaadin..
    189. Page [7]
  189. waxyaabaha lagu gaaloobayo..
  190. ii caddeeya in Wahhaabiyadu kuffaar yihiin iyo inkale!
  191. (Innalladiina aamanuu)=hadii lagu macneeyo kuwa xaqa aaminay, iyo kuwa aaminay maxeey is dhaamaan?
  192. Beryahan dambe waxaa aad u badatay fasiraadda diinta!
    193. Page [6]
  193. waxaan jeclahay in aan ka hadlo wax yar oo..!
  194. waxyaabaha ay diinteenu ka sheegayso heesaha..!
  195. Diinta islaamku maxay ka qabtaa hadii surwaalka la dheeraysto?
  196. hadii uu qof wax ii sheegto oo uu idhaho..
  197. hadii anigoo jiifa ku riyoodo gabar..!
  198. sidee loo tukadaa salaatulaylka?
  199. malacuni karaa hilibka gaalada oo aheen..?
  200. anigoo soo wayseestay ma iska tiri karaa waysadii..?
  201. somalidu geedka ay aadka u cunto ee qaadku ma denbi baa?
  202. ururkii ka talin jirey afghanistan..
  203. waxaa lagu mormay in qofka naaska wada nuugay ..!
  204. maxa kuu dhacay dawlda somali?
  205. miyey jiraan dhar ama lebis u gaar ah..!
  206. wiil ayaa jiro oo rabo in uu ila sheekeesto..
  207. waxaan rabaa inaan is daahiriyo..!
  208. zakada dahabka laga bixiyo..
  209. waxaan ku mehersadey gabar kitaabka quraanka..!
  210. members of one of the Somali clans..
  211. Waxaan su'aal ka qabaa guurka ama Nikaaxa..
  212. Waan kirishtaamay...
  213. waxa aynu qoraanka ku aragnay gaar ahaan..
  214. waxa inta badn xadiistu sheegtaa in ragu ay suurwaalka gaabsadaan..
  215. Fariin tan waxaan ka soo dirayaa waqooyiga ameerika..!
  216. ha layska ilaaliyo dadka diinta sida khaldan u wada..
  217. qoladasi isku diin ma nihin..
  218. miyey banaan tahay in qofka muslinka ah maydkiisa..
  219. aad ayaan uga helay sida cilmiyaysan ee aad ula munaaqashootid..
  220. Waxaan ahay nin dhallinyaro ah..
    221. Page [5]
  221. Sujuudda Tilaawadu maxay tahay?
  222. ha layska ilaaliyo dadka diinta sida khaldan u fasiraya..
  223. sheekh sideen hooyaday ugu ducayn karaa?
  224. Maxaa ku jaban tacliinta diimeed ee Soomaaliya?
    225. Page [4]
  225. Wiil i jecel oo aanan anigu jeclayn ayaa la ii guuriyay ee maxaan sameeyaa?
  226. Munaaqasho ku saabsan Kooxaha Lunsan..
  227. Ragga Islaamka ayaa lagu yaqaan..
  228. Digniin ku socota Muslimiinta Soomaalida ah oo dhan
  229. Maxaa u dhexeeya kooxaha al-itihad iyo al-islah?
  230. muran kama taagna nimankan lunsan ee ikhwaanka iyo wahabiyadaba oo waa la wada og yahay
  231. Salafiyo Maxaa laga wadaa?
    232. Page [3]
  232. waxaa wanaagsan in laga hadlo wixii cilmi ah
  233. Midnimada Muslimiinta..
  234. saxaabada nabiga allaha ka raalli noqdee iyo culumadii hore ee salafku bani'aadam bay ahaayeen..
  235. Islam is not a violent Religion
  236. Kareemka laysku caddeeyo ma la isku qurxin karaa??
  237. Haweenay caado qabta quraan ma akhrin kartaa?
  238. Diintu maxay ka qabtaa in la is masawiro?
  239. Diintu ma sidi qabyaalad baa?!
  240. Maxay tahay (Nashuusho)?
  241. Timaha ma la madoobaysan karaa?
  242. waxaan ku qancay sida wanaagsan oo aad uga jawaabtay suaalaha..
    243. Page [2]
  243. Kooxaysigu Islaamka dhib mooyee dheef u soo jiidi maayo!
  244. Aad baad ugu mahadsantahay qoraallada qiimaha badan..
  245. waxay ila tahey in aad looga gardaran yahey Dr.Hersi..
  246. Sida qorraxdu ugu wareegto dhulka..
  247. waxaan aad u xiiseynayaa buuggaagii ku saabsanaa AKHWAANKA..
  248. Maxa uu u sameeyey ben laden waxaas fool xumada ah?
  249. Islaamku muxuu ka qabaa "Masaafada"?
  250. iga jaahil bixi xerta xabaalaha siyaarta!
    251. Page [1]
  251. Yaa baxshay magaca wahhaabiyo?
  252. Waa la yaab in nin asigiiba been sheegaya qof ku waansho been ha sheegin!
  253. waxaad inoo sheegtay sheeko qosol leh..
  254. ahlusunnah wal jamaa'ah..!
  255. Sow maahin dad ay culumo waashay!
  256. Aqoondarro waa iftiin la'aan!
  257. Ilaah baa ku qancin kara..!
  258. waxaan kaa rabay in aad noo sheegto adigana kooxdee tahay!
Copyright 1998 - All rights reserved.
Contact Us
[Yahoo! News Search
Yahoo! Yellow Pages
[Yahoo! Quotes]
Contact Us
Webmaster - All rights reserved]